إمبارح حلمت بيك
سألتني
-"أنتي كويسة ؟!!"
سكت شوية و بعدين قلتلك
-"مش عارفة"
بصتلي و بعدين قاعدت جنبي علي الكرسي الخشب اللي كنت قاعدة عليه ...فضلنا بصين قدامنا علي البحر و أحنا ساكتين
و أنت لسة باصص قدامك مديت أيدك و مسكت أيدي و قلتلي
_"أنا هنا"
فضلنا بصين قدامنا علي البحر و أحنا ساكتين و أيدينا في أيد بعض
بالرغم من أن الحلم يفرح إلا أني صحيت من النوم مضايقة ....ماعرفش يمكن أحساس أنه مجرد حلم ضايقني أو يمكن لأني فعلا ماعرفش أنا كويسة ولا لأ و أني بجد محتاجة أنك تبقي موجود هنا هو اللي ضايقني
مش عارفة !!!ء
ليست هناك تعليقات:
إرسال تعليق