ده مش حب...لا اللي بينهم فيه دقات قلب بتصارع بعضها و لا فيه لهفة العاشقين...لكنه فيه أحساس بالأمان و الدفي و كأنه وطنها و بيتها...أتعودت علي عيشتها بعيد عنه فمباقتش الغربة تتعبها لكن شوقها إليه دايم و مفروغ منه...بالنسبلها هو رمز الحنان و الطيبة...عمر ما حد حن عليها أده و لا عمرها حست بطيبة قلب أبيض زي طيبة قلبه...ينفع تحس أن حد بيحضنك و يطبطب عليك و أنت بتبكي و هو مش جنبك ؟...في كل مرة تبكي عنيها بتفتكر ضحكته فتبتسم لأنها عارفة أن عمره ما يستحمل يشوف دموعها...و ساعات كتير تضحك أوي من قلبها لأنها عارفة أنه لو كان جنبها كان ضحك من قلبه علي ضحكتها و تبقي طفلة دلوعة أول ما تفتكر حنية الأب اللي دايما مليي نبرة صوته في كلمه ليها...صوت ضحكته و صوت أبتسمته...ينفع تحسي أن أنتي أم و بنت حد ؟...هو وطن و أب ليها...بتخاف عليه و تقلق علي حاله زي ما يكون أبنها و مش أي أبن ده أبنها البكري...و هي حضن و أم ليه...شايلها جوة عينيه زي ما تكون بنته و مش أي بنت ديه أخر العنقود..........ده مش حب ده أكبر و أنقي من كده...ده أحساس بالأمان و الدفي...أنك يكون لك وطن و بيت... لو ماأنكتبلكش تعيش فيهم تفضل طول عمرك فاكرهم و مشتاق لهم
ليست هناك تعليقات:
إرسال تعليق