هل ممكن يوصل بك التخيل أنك تتخيل نفسك ماشي مع حد بتحبه و بتكلمه فعلا و بتتناقشوه في حاجة و في أخر اليوم تشكره علي اليوم الحلو اللي قضيتوه ساوه و تحس أنك مش عارف لولا وجوده في حياتك كنت حتعمل أيه ؟!
و الله أنا لسه متجنتش...بس أنا فعلا بقيت كل ما أخرج لوحدي في حتة أو كل ما أبقي لوحدي أتخيل نفسي مع حد بحبه و ماشيين سوا و بنتكلم -أكيد بكلمه في سري ما وصلتش أني أكلم نفسي بصوت عالي في الشارع- و أروح مبسوطة جدا...لكن كل ده كان بيحصل زمان و أبقي عارفة و واعية أنه مجرد خيال ...لكن دلوقتي الوضع أختلف أنا بقيت فعلا بروح البيت و أنا مقتنعة أني قضيت وقت حلو مع الشخص ده و مبسوطة جدا... و أحس أني محتاجة أشكره علي اليوم الحلو اللي قضيته معاه...
طب و الله ما أتجنيت...رغم أني و أنا قاعدة أكتب الكلام ده حسيت أني مجنونة رسمي و بجد و بحق و حقيقي...
بس أكيد حد فيكوه حس باللي أنا بقوله قبل كده ...
حس أنه لمس أيد اللي بيحبه رغم أنه عمره مقرب منه كفاية و لا يعرف شكل أيده أيه...
أنه قاعد بيكلم اللي بيحبه بالساعات في ولا حاجة و أن اللي بيحبه بيرد عليه الرد اللي هو عايزه و متوقع يسمعه رغم أنه عمره ما كلمه كلمتين علي بعض...
أنه شايف اللي بيحبه قدامه و بيبص في عينه رغم أنه طول الوقت بيتجنب يبص في عينيه...
معرفش ديه الوحدة و لا ديه قمة الحب ...و برضو معرفش أنا المفروض دلوقتي أبقي سعيدة و لا أزعل...
الحاجة الوحيدة اللي أنا عارفها أن أكيد الأحساس بأن حد جنبك و الأقتناع بكده أحلي مليون مرة من الأحساس بالوحدة و أنك لوحدك...
و أن أنا بحس بالسعادة علي الأقل لمدة طويلة كفاية أنها تسعدني لبقيت اليوم حتي و لو السعادة ديه مبنية علي حاجة مش حقيقية...
يمكن شوية مش قليلة منكم يقولوا عليا مجنونة ...ممكن الشوية التانيين يشفقوا عليا من الوحدة ...لكن أكيد فيه أتنين أو تلاتة حيفهموا أنا بتكلم عن أيه و حيحسوا كلامي لأنهم عاشوه بنفسهم ....و دول بس اللي فهمين السعادة اللي أنا بتكلم عليها ...و اللي أكيد مفوتوش علي نفسهم الأستمتاع بلحظات الوحدة
و الله أنا لسه متجنتش...بس أنا فعلا بقيت كل ما أخرج لوحدي في حتة أو كل ما أبقي لوحدي أتخيل نفسي مع حد بحبه و ماشيين سوا و بنتكلم -أكيد بكلمه في سري ما وصلتش أني أكلم نفسي بصوت عالي في الشارع- و أروح مبسوطة جدا...لكن كل ده كان بيحصل زمان و أبقي عارفة و واعية أنه مجرد خيال ...لكن دلوقتي الوضع أختلف أنا بقيت فعلا بروح البيت و أنا مقتنعة أني قضيت وقت حلو مع الشخص ده و مبسوطة جدا... و أحس أني محتاجة أشكره علي اليوم الحلو اللي قضيته معاه...
طب و الله ما أتجنيت...رغم أني و أنا قاعدة أكتب الكلام ده حسيت أني مجنونة رسمي و بجد و بحق و حقيقي...
بس أكيد حد فيكوه حس باللي أنا بقوله قبل كده ...
حس أنه لمس أيد اللي بيحبه رغم أنه عمره مقرب منه كفاية و لا يعرف شكل أيده أيه...
أنه قاعد بيكلم اللي بيحبه بالساعات في ولا حاجة و أن اللي بيحبه بيرد عليه الرد اللي هو عايزه و متوقع يسمعه رغم أنه عمره ما كلمه كلمتين علي بعض...
أنه شايف اللي بيحبه قدامه و بيبص في عينه رغم أنه طول الوقت بيتجنب يبص في عينيه...
معرفش ديه الوحدة و لا ديه قمة الحب ...و برضو معرفش أنا المفروض دلوقتي أبقي سعيدة و لا أزعل...
الحاجة الوحيدة اللي أنا عارفها أن أكيد الأحساس بأن حد جنبك و الأقتناع بكده أحلي مليون مرة من الأحساس بالوحدة و أنك لوحدك...
و أن أنا بحس بالسعادة علي الأقل لمدة طويلة كفاية أنها تسعدني لبقيت اليوم حتي و لو السعادة ديه مبنية علي حاجة مش حقيقية...
يمكن شوية مش قليلة منكم يقولوا عليا مجنونة ...ممكن الشوية التانيين يشفقوا عليا من الوحدة ...لكن أكيد فيه أتنين أو تلاتة حيفهموا أنا بتكلم عن أيه و حيحسوا كلامي لأنهم عاشوه بنفسهم ....و دول بس اللي فهمين السعادة اللي أنا بتكلم عليها ...و اللي أكيد مفوتوش علي نفسهم الأستمتاع بلحظات الوحدة
ليست هناك تعليقات:
إرسال تعليق