خدها مني قاعدة عمرك ما حتقدر تقنع حد بوجهة نظر معينة -مهما كان كلامك منطقي و منظم و عقلاني-طول ما هو من الأساس مش مستعد يسمعك أو يتقبل منك كلام.... طول ما هو مقفل دماغه و مقتنع من قبل حتي ما يسمعك أن كلامك غلط أو أنك مش حضيف جديد
مجرد محولاتك من الأساس أنك تتكلم مع حد ماعندوش أستعداد أنه يسمعك هي مضيعة للوقت و الجهد و الصحة و الأعصاب -خصوصا لو سيادتك شخص عصبي زي حالتي- ...مش معني كده أنك تسيبه و متحاولش معاه بس زي ما بيقوله كل بني أدام و ليه مدخل و ألأ مكانش بقي فيه سياسة و دبلوماسيين و بياعيين كلام و خد و هات... من الأخر ماكانش حد غلب ...
لأن ببساطة شديدة لو دخلت في نقاش من طرف واحد مع واحد مسضرلك الطارشة حينتهي بيك المطاف بملحمة و صراع و يمكن شوية دم أو ممكن تلاقي نفسك طبيت ساكت... يعني من الأخر حينتهي بيك المطاف بنهاية مؤسفة و شديدة الأسف... و صدقني و عن تجربة مهما حولت و رجعت تاني و عدت و زيدت و عملت و سويت و خليت طول ما الشخص اللي قدامك معندوش أستعداد من الأساس أنه يسمعك أنسي أن كلامك مهما قاعدت تعيد فيه بطرق مختلفة يخش دماغه أو أنه يقتنع بيه...
زي ما كنت بقول من شوية كل واحد فينا ليه مدخل ...فيه ناس بتيجي بالهداوة و البال الطويل... فيه ناس بتيجي بالمسايسة... و ناس بتيجي بالشدة و العين الحمرة ...ناس تاني بتيجي بالدلع و الكلام الأي كلام -و دول عادة بيبقوا الستات - ...من الأخر كل بني أدام ليه مدخل يدخلك علي دماغه و قلبه و محفظته و كل اللي نفسك فيه...
الشخص الذكي هو اللي يقدر يحدد مدخل اللي قدامه و يعرف يخشله منيين....
واحد دماغه دماغ صعايدي -مع أحترامي لكل الصعايدي- يبقي مخشلوش أفش كده علي طول ...الأول أخده بالسياسة و بعد كده أخليه من غير ما يحس يعملي اللي أنا عايزه و هو مقتنع شدة الأقتناع أنه بيعمل اللي هو عايزه و أن كلمته هي اللي مشت في الأخر - و ده عادة اللي بيحصل مع معظم الرجالة المرتبطة أو المتجوزة- و مش معني كده أنك بتضحك عليه علي قد ما أنت بتمشي المركب اللي مينفعش بأي حال من الأحوال يكون ليها قبطانيين....
و بالرغم من كل الكلام اللي قلته ده ألأ أني أول واحدة مش بتعرف تجيب مدخل البني أدام اللي قدامها... دايما ليا مدخل واحد و هو النقاش و الكلام الصريح ...و يمكن ساعدني في ده نفسي الطوييييييييييييل بس للأسف بجد عن تجربة مش دايما أتباع أسلوب النقاش و النفس الطويل و الكلام المنطقي بينفع ...بالعكس ده ساعات كتير بيضر أكتر ما بينفع ...
فبغض النظر عني أنا و عن مدخلي الواحد ...حرجع و أقول الناس مداخل و الذكي فعلا هو اللي يعرف يلاقي مدخل اللي قدامه و يخشله منه...
مجرد محولاتك من الأساس أنك تتكلم مع حد ماعندوش أستعداد أنه يسمعك هي مضيعة للوقت و الجهد و الصحة و الأعصاب -خصوصا لو سيادتك شخص عصبي زي حالتي- ...مش معني كده أنك تسيبه و متحاولش معاه بس زي ما بيقوله كل بني أدام و ليه مدخل و ألأ مكانش بقي فيه سياسة و دبلوماسيين و بياعيين كلام و خد و هات... من الأخر ماكانش حد غلب ...
لأن ببساطة شديدة لو دخلت في نقاش من طرف واحد مع واحد مسضرلك الطارشة حينتهي بيك المطاف بملحمة و صراع و يمكن شوية دم أو ممكن تلاقي نفسك طبيت ساكت... يعني من الأخر حينتهي بيك المطاف بنهاية مؤسفة و شديدة الأسف... و صدقني و عن تجربة مهما حولت و رجعت تاني و عدت و زيدت و عملت و سويت و خليت طول ما الشخص اللي قدامك معندوش أستعداد من الأساس أنه يسمعك أنسي أن كلامك مهما قاعدت تعيد فيه بطرق مختلفة يخش دماغه أو أنه يقتنع بيه...
زي ما كنت بقول من شوية كل واحد فينا ليه مدخل ...فيه ناس بتيجي بالهداوة و البال الطويل... فيه ناس بتيجي بالمسايسة... و ناس بتيجي بالشدة و العين الحمرة ...ناس تاني بتيجي بالدلع و الكلام الأي كلام -و دول عادة بيبقوا الستات - ...من الأخر كل بني أدام ليه مدخل يدخلك علي دماغه و قلبه و محفظته و كل اللي نفسك فيه...
الشخص الذكي هو اللي يقدر يحدد مدخل اللي قدامه و يعرف يخشله منيين....
واحد دماغه دماغ صعايدي -مع أحترامي لكل الصعايدي- يبقي مخشلوش أفش كده علي طول ...الأول أخده بالسياسة و بعد كده أخليه من غير ما يحس يعملي اللي أنا عايزه و هو مقتنع شدة الأقتناع أنه بيعمل اللي هو عايزه و أن كلمته هي اللي مشت في الأخر - و ده عادة اللي بيحصل مع معظم الرجالة المرتبطة أو المتجوزة- و مش معني كده أنك بتضحك عليه علي قد ما أنت بتمشي المركب اللي مينفعش بأي حال من الأحوال يكون ليها قبطانيين....
و بالرغم من كل الكلام اللي قلته ده ألأ أني أول واحدة مش بتعرف تجيب مدخل البني أدام اللي قدامها... دايما ليا مدخل واحد و هو النقاش و الكلام الصريح ...و يمكن ساعدني في ده نفسي الطوييييييييييييل بس للأسف بجد عن تجربة مش دايما أتباع أسلوب النقاش و النفس الطويل و الكلام المنطقي بينفع ...بالعكس ده ساعات كتير بيضر أكتر ما بينفع ...
فبغض النظر عني أنا و عن مدخلي الواحد ...حرجع و أقول الناس مداخل و الذكي فعلا هو اللي يعرف يلاقي مدخل اللي قدامه و يخشله منه...
ليست هناك تعليقات:
إرسال تعليق