الشريط بيسيف

ساعات بيمر علي حياتنا أشخاص بيكون كل دورهم فيها إنهم يغيروها...يدخلوها يشقلبوا كيانها و يطلعوا
مش مهم بيدخلوها إزاي و ليه...و لا مهم بعد ما بيطلعوا بيروحوا فين
المهم في الأثر اللي بيسبوه بعد ما يطلعوا

ده يخليك تتسأل هما دخلوا حياتي ليه من الأول
أكيد انا ماكنتش ناقص حد يدخل حياتي يعقدها أكتر ...و ممكن تتسأل أصلاً هو أنا إزاي سيبتهم يدخلوا حياتي و يعبثوا في تفاصيلها كده ..




الملخص يعني أن الشريط بيسيف
بقاله فترة بيسيف
فلازم تقرر أنك زهقت من تكرار نفس الفيلم بنفس البداية و النهاية و الأحداث بس بأشخاص و أماكن مختلفة
لازم تقرر تطلع الشريط و تقصه عشان حتى لو فكرت تحاول تتفرج عليه تاني مايشتغلش
فتكرر أنك حتنزل تشتري شريط جديد...بس المرة ديه حتخد بالك و أنت بتجيبه و حتختار بتأني

لأن الشريط لما بيسيف بيبقى مزعج أوي
بزيادة يعني