أمي.... قررت أني أكتب المدونة ديه لأمي.....أهديها ليها لأني ببساطة في الوقت الحالي محلتيش حاجة أغلي من كلمات الحب.....لذلك لتكن كلماتي لعلها تعبر عن بعض الحب اللي في قلبي .....
شتا أو صيف دايما كانت أحب و أقرب اللحظات لقلبي هي اللحظات اللي بقضيها مع أمي...... نتكلم أو بمعني أصح أرغي أنا و هي تتكلم.....أحكيلها عن يومي و كل الأحداث اللي حصلت فيه بالتفصيل الممل.... الممل أوي .....نضحك عليهم .....أو أخدلي كلمتين في العضم علي حاجة عملتها و أنا عارفة أنها مكنش المفروض تتعمل .....نتفرج علي التليفزيون .....أنام شوية في حضناها لحد ما تقولي "أه أومي رسك تقيلة و أنتي سندها علي قلبي " .....أبوسها بوسة طويييلة بصوت عالي أممممممموه يخرم الودان فتقولي "يابنتي ودني" ......و بالرغم من أني عارفة أد أيه الصوت ده مزعج و بيخرم الودان ألا اني مبحسيش بأن بوستي ليها عبرت عن حبي ألا لما يخرم صوتها العالي ودانها......مباديء بقي و أنا من أشد المتمسكين بمبدأهم :) .....نتناقش.... نتخانق نتخاصم..... نعد بالكام يوم منكلمش بعض..... أنا و أمي بنتنافس علي درجة العند و الكبرياء .....و لكن مش ضد بعض.... ففي النهاية أعترف بغلطي.... أبكي..... نتصالح..... أنام في حضنها لحد ما تقولي "أه أومي رسك تقيلة و أنتي سندها علي قلبي " :).....
بالرغم من أختلفتنا الكتيرة نسبيا و اللي دايما بتدور حول أما عندي.....أو حساسيتي المفرطة..... أو عصابيتي علي حاجات في نظر أغلبية الناس منهم أمي متستهلش..... ألا أن علاقتي بأمي علاقة مميزة جدا .....
فأمي بالنسبة لي مش بس مجرد أم بل هي أقرب و أعز صديقة علي قلبي...... أشد و أكتر المؤمنين بيا و بقدرتي علي الوصول للمستحيل و بموهبتي اللي بتميزني عن الجميع ......أكتر واحدة بالرغم من شدة تعقيد دماغي و طريقة تفكيري و طبيعتي الأزدواجية القلبة و طلباتي الكتير و توقعاتي الأكتر و المبالغ فيها من كل اللي حواليا و حساسيتي المفرطة أويييي خالص و أكتأباتي اللي مبتخلص و اللي في معظم الأحيان بتبقي من غير سبب محدد .....-ثواني أخد نفس-......بتفهمني من نظرات عيني و نبرات صوتي و بتعرف أنا بفكر في أيه و عايزة أيه بالظبط ......يييياه ده واضح فعلا أني بنت متعبة أكتر حتي مما أنا كنت متخيلة...... هو أي نعم أنا طول عمري عارفة عيوبي و عارفة أد أيه من الصعب علي أي حد أنه يتفهم شخصيتي و يقدر يتعايش معها ......بس و أنا قاعدة دلوقتي أرصهم جمب بعض حسيت أد أيه تواجد كل الصفات المتعبة ديه في شخص واحد في حد ذاته شيء صعب ......فأكيد التعامل مع الشخص ده مهمة أصعب .....أعترف أن أمي قدرت تأديها علي أكمل وجه .....و ده أكيد يرجع لأكتر و أحب صفة لقلبي في أمي و هي الشخصية القوية اللي يشرفني أني أقول أني ورثتها منها...... يمكن ناس كتير بيتجهوا في وصفهم لأمهاتهم لمدح صفتي الحنان و الطيبة فيهم..... و بالرغم من توجد الصفتين دول في أمي الحبيبة المحبة و بوفرة كمان...... ألا أن قوة شخصية أمي كانت دايما أكتر حاجة بتثير أعجابي بأمي...... أنها أمرأة شامخة قوية تدير شغلها بحزم و قوة ولا عشر رجالة في بعض ....و جنب ده كله من أكتر الشخصيات المحبوبة من كل الناس اللي عرفوها سواء من فترة قصيرة كانت أو طويلة أو حتي سمعوا عنها مش بس عشان طيبتها و روحها المرحة لكن كمان عشان حكمتها في كلامها.....عدلها في قرراتها.....و رحمتها اللي بتشمل اللي يستهلها.....
أمي.... معلمتي اللي بدين ليها بكل الفضل في كل و أي حاجة وصلتلها أو حوصلها في يوم .....و اللي أتمني تكون حاجة مشرفة تفخر بيها و تسعدها...... بدين ليها بكل صفة حلوة فيا حد في يوم مدحني عليها...... بحب الناس ليا و أعجبهم برأي قلته أو حاجة كتبتها و اللي أنا واثقة كل الثقة أنها مكنتش حتتقال كده لولا وجودها في حياتي...
أمي.... مرشدتي اللي علمتني معني الرحمة..... القوة ......الحكمة .....الثقافة.....نقديم التقدير و الأحترام للكل .....و أهم من ده كله أمي.... هي مرشدتي اللي علمتني بقربها من ربنا و مراعتها ليه في أبسط تعاملتها و تصرفتها معني و قيمة أنك تحمل لقب "مسلم" و أد أيه اللقب ده غالي......
ألي أمي ......النهاردة .....الليلة بالتحديد بوعدك-حتي و أن كنت وعدك الوعد ده كتير قبل كده- أني ححاول أبقي أحسن عشانك قبل عشان نفسي ..... بعترف بفضلك-بعد ربنا- عليا فلولاكي مكنتش بقيت البني أدمة اللي أنا عليها دلوقتي و اللي أنا فخورة أني أقول أنها بتحمل كتير من صفاتك الجميلة .......
أمي..... أهديكي حبي .....ولائي .....أحلامي...... نجاحتي..... طموحاتي .....ضحكاتي
أهديكي قلبي فياريته قلب من ذهب ككقلبك الثمين .........أحبك
شتا أو صيف دايما كانت أحب و أقرب اللحظات لقلبي هي اللحظات اللي بقضيها مع أمي...... نتكلم أو بمعني أصح أرغي أنا و هي تتكلم.....أحكيلها عن يومي و كل الأحداث اللي حصلت فيه بالتفصيل الممل.... الممل أوي .....نضحك عليهم .....أو أخدلي كلمتين في العضم علي حاجة عملتها و أنا عارفة أنها مكنش المفروض تتعمل .....نتفرج علي التليفزيون .....أنام شوية في حضناها لحد ما تقولي "أه أومي رسك تقيلة و أنتي سندها علي قلبي " .....أبوسها بوسة طويييلة بصوت عالي أممممممموه يخرم الودان فتقولي "يابنتي ودني" ......و بالرغم من أني عارفة أد أيه الصوت ده مزعج و بيخرم الودان ألا اني مبحسيش بأن بوستي ليها عبرت عن حبي ألا لما يخرم صوتها العالي ودانها......مباديء بقي و أنا من أشد المتمسكين بمبدأهم :) .....نتناقش.... نتخانق نتخاصم..... نعد بالكام يوم منكلمش بعض..... أنا و أمي بنتنافس علي درجة العند و الكبرياء .....و لكن مش ضد بعض.... ففي النهاية أعترف بغلطي.... أبكي..... نتصالح..... أنام في حضنها لحد ما تقولي "أه أومي رسك تقيلة و أنتي سندها علي قلبي " :).....
بالرغم من أختلفتنا الكتيرة نسبيا و اللي دايما بتدور حول أما عندي.....أو حساسيتي المفرطة..... أو عصابيتي علي حاجات في نظر أغلبية الناس منهم أمي متستهلش..... ألا أن علاقتي بأمي علاقة مميزة جدا .....
فأمي بالنسبة لي مش بس مجرد أم بل هي أقرب و أعز صديقة علي قلبي...... أشد و أكتر المؤمنين بيا و بقدرتي علي الوصول للمستحيل و بموهبتي اللي بتميزني عن الجميع ......أكتر واحدة بالرغم من شدة تعقيد دماغي و طريقة تفكيري و طبيعتي الأزدواجية القلبة و طلباتي الكتير و توقعاتي الأكتر و المبالغ فيها من كل اللي حواليا و حساسيتي المفرطة أويييي خالص و أكتأباتي اللي مبتخلص و اللي في معظم الأحيان بتبقي من غير سبب محدد .....-ثواني أخد نفس-......بتفهمني من نظرات عيني و نبرات صوتي و بتعرف أنا بفكر في أيه و عايزة أيه بالظبط ......يييياه ده واضح فعلا أني بنت متعبة أكتر حتي مما أنا كنت متخيلة...... هو أي نعم أنا طول عمري عارفة عيوبي و عارفة أد أيه من الصعب علي أي حد أنه يتفهم شخصيتي و يقدر يتعايش معها ......بس و أنا قاعدة دلوقتي أرصهم جمب بعض حسيت أد أيه تواجد كل الصفات المتعبة ديه في شخص واحد في حد ذاته شيء صعب ......فأكيد التعامل مع الشخص ده مهمة أصعب .....أعترف أن أمي قدرت تأديها علي أكمل وجه .....و ده أكيد يرجع لأكتر و أحب صفة لقلبي في أمي و هي الشخصية القوية اللي يشرفني أني أقول أني ورثتها منها...... يمكن ناس كتير بيتجهوا في وصفهم لأمهاتهم لمدح صفتي الحنان و الطيبة فيهم..... و بالرغم من توجد الصفتين دول في أمي الحبيبة المحبة و بوفرة كمان...... ألا أن قوة شخصية أمي كانت دايما أكتر حاجة بتثير أعجابي بأمي...... أنها أمرأة شامخة قوية تدير شغلها بحزم و قوة ولا عشر رجالة في بعض ....و جنب ده كله من أكتر الشخصيات المحبوبة من كل الناس اللي عرفوها سواء من فترة قصيرة كانت أو طويلة أو حتي سمعوا عنها مش بس عشان طيبتها و روحها المرحة لكن كمان عشان حكمتها في كلامها.....عدلها في قرراتها.....و رحمتها اللي بتشمل اللي يستهلها.....
أمي.... معلمتي اللي بدين ليها بكل الفضل في كل و أي حاجة وصلتلها أو حوصلها في يوم .....و اللي أتمني تكون حاجة مشرفة تفخر بيها و تسعدها...... بدين ليها بكل صفة حلوة فيا حد في يوم مدحني عليها...... بحب الناس ليا و أعجبهم برأي قلته أو حاجة كتبتها و اللي أنا واثقة كل الثقة أنها مكنتش حتتقال كده لولا وجودها في حياتي...
أمي.... مرشدتي اللي علمتني معني الرحمة..... القوة ......الحكمة .....الثقافة.....نقديم التقدير و الأحترام للكل .....و أهم من ده كله أمي.... هي مرشدتي اللي علمتني بقربها من ربنا و مراعتها ليه في أبسط تعاملتها و تصرفتها معني و قيمة أنك تحمل لقب "مسلم" و أد أيه اللقب ده غالي......
ألي أمي ......النهاردة .....الليلة بالتحديد بوعدك-حتي و أن كنت وعدك الوعد ده كتير قبل كده- أني ححاول أبقي أحسن عشانك قبل عشان نفسي ..... بعترف بفضلك-بعد ربنا- عليا فلولاكي مكنتش بقيت البني أدمة اللي أنا عليها دلوقتي و اللي أنا فخورة أني أقول أنها بتحمل كتير من صفاتك الجميلة .......
أمي..... أهديكي حبي .....ولائي .....أحلامي...... نجاحتي..... طموحاتي .....ضحكاتي
أهديكي قلبي فياريته قلب من ذهب ككقلبك الثمين .........أحبك
ليست هناك تعليقات:
إرسال تعليق