الأحد، 8 أغسطس 2010

A Fact : The worst is Happening , & still yet to come !

معنديش فكرة إيه اللي ممكن يحصل بعد كده...كنت فاكرة أن فيه حدود لسوء الحظ و الأحداث المؤسفة
لكن تقريباً خيالي ماكنش واسع كفاية أنه يرسم حدود حقيقية ...لسة اللي جاي ممكن يكون أوحش بكتير من اللي راح
بدليل أن اللي بيحصل دلوقتي هو تقريباً أوحش من اللي تخيلت حدوثه من سنة أو سنتين

ماينفعش ترفع رأسك لربنا و تسأله ليه بتخسر كل حاجة رغم أنك مش طماع و تستنى إجابة مباشرة في ساعتها
الصبر هو مفتاح الفرج...و الصبر هو الحاجة الوحيدة اللي مش عارفة أملكها مهما حاولت
يمكن تكون فعلاً و أنت غضبان بتشوف كل حاجة سودا و بتفتكر أنك خسرت كل حاجة...بس أنا دلوقتي زعلانة...و زعلانة أوي...ف مش فارقة معايا لو فعلاً أنا ماخسرتش كل حاجة أو لو كنت ببالغ في تقييم الأمور
كل اللي فارق معايا دلوقتي هو أني زعلانة...أني خسرت تقريباً كل حاجة في نفس اللحظة و اليوم
زعلانة أني مش حاسة بحاجة...أني مستنية أبكي أو يكون ليا رد فعل...مستنية أحس بحاجة غير الخوف
أنا زعلانة أني خايفة...لكني مش زعلانة على زعلي ...و لا حاسة بيه
أنا بس خايفة

خايفة , أن حتى و لو كان الأسوء ده مش حيحصل , تكون هي ديه نهاية كل شيء